Pasadan larunbatean Catalunyako L`Ampolla herrian 10.goz IRONCATa antolatu zuten. Ezagutzen ez duzuenontzat Ironman edo Challenge enpresetatik kanpo dagoen Ironman distantziko lasterketa bat da, urtez urte gero ta partehartze handiagoa duena.
Aurten, furgoneta hartu ta han abiatu ginen Txomin Bustindui, Mikel Faundez eta neroni. Bertan 5 egun igarotzeko eta bi hauek beraien bizitzako lasterketa egiteko asmoz. Euskal Herriko euri ta hotza atzean utzi ta han eguraldi bikaina aurkitu genuen, eguzkia eta 30º. Beraz euriaren eta hotzaren aitzakiarik egongo ez zela argi geneukan. Hurrengo egunetan hainbat euskaldunekin topo egin genuen bertan: Jon Karro, bere laguntzaile Txomin Garcia Murillo, Iban Bedialauneta... beraiekin ere entrenamendu bat edo beste egin izan genituen.
Aurreko egunetan zirkuitua ezagutu, atzedena hartu, ondo jan eta edaten ibili ginen. Larunbatean, goizeko 4etan jeiki, gozaldu eta Ironcaterako materiala hartu ta L`Ampollako porturantz joan ginen. Dena prest utzi ta 7.00etan hasi zen txapelketa.
Igeriketako saioak emaitza oso onak ekarri zizkigun Mikelen eta Txominen eskutik izan ere lehenak 1:02:01ean egin zituen (30. postua) 3800m ak eta bigarrenak 1:10:07an (114. postua). Bizikleta hartu ta Ebroko Deltara joan ziren 30kmko 6 itzuli emateko, lehenengoan Txominek 70 pertsona aurreratu zituen eta lehenengoaren denbora hobetzen joan zen 120.kmrarte gutxienez, hau da ia 39km/h media eginez. Azkenik trantzizioak batuta 5:01:18an egin zuen. Mikelek aldiz erritmo konstate bat mantenduz buelta ia denak antzeko denboran egin zituen, nik uste hori izan zela lasterketa ona egiteko gakoa, izan ere modu horretan igeriketatik hasi izan zen postua mantentzea lortu zuen. Azkenean trantzizio ta guzti 5:29:37an utzi zuen bizikleta.
Korrika saioa oso gogorra izan zen, 7kmko beste 6 itzuli eman behar izan zituzten eta eguerdian zegoen beroak ez zuen askorik laguntzen. Ala ta guzti bi kirolari hauek 4. itzulirarte erritmo on batekin jarraitzea lortu zuten eta azken 14kmak ahal zuten moduan bukatzea lortu zituzten.
Azkenean Txominek 21. postua lortu zuen 9:54:05eko denborarekin, bere errekorra parte hartzen duen 6. Ironman honetan eta aldiz Mikelek 10:26:01ean geratu zuen denbora bere lehen Ironmana izateko denbora bikaina.
ZORIONAK BIEI!!!
No hay comentarios:
Publicar un comentario